Saúl Rivas

Saúl Rivas

Guión

Sobre min

Nacín en Lugo nos anos 80, madurei en Santiago e Barcelona nos dousmiles e agora vivo a maior parte do tempo na Coruña. Estudei literatura e realización audiovisual e, logo de dar moitas voltas, acabei dedicándome a escribir, deseñar e dirixir proxectos culturais e audiovisuais.

A música, a fotografía e a lingua son os temas sobre os que traballo habitualmente. Ler, escoitar música (e intentar facela), ver películas e viaxar polo mundo son as cousas nas que invisto o meu tempo.

Proxectos

Servizos

Nos últimos anos fun ocupando distintos postos e desenvolvendo multitude de tarefas no audiovisual, nas artes escénicas e na xestión cultural. Desas experiencias saquei moitas aprendizaxes e habilidades. Seguir aprendendo cada día é algo do que non me quero desacostumbrar.

Guión

Escribo guións para televisión e cine, tanto de ficción como de non ficción, se ben é nesta última onde me atopo máis cómodo. A música adoita ter moita importancia nos meus textos, así como a experimentación.

Dirección

Nos últimos anos dirixín diferentes proxectos audiovisuais para plataformas, tv e internet. Neles sempre busco a forma de coidar a historia e crear unha boa experiencia de rodaxe.

Desenvolvemento de proxectos

Desde que aparece unha idea, hai un proceso longo ata poder poñela en práctica. Conto cunha longa experiencia pensando e construíndo proxectos, aportando a miña visión e coñecemento da industria.

Xestión cultural

Coidar dun proxecto, facelo desde o coñecemento e a implicación fai que medre e que teña futuro. Paralelamente ao desenvolvemento busco que unha vez construído non esmoreza.

O último no blog

Neste caderno vou dando conta do que me interesa, do que aprendo ou das cousas nas que ando metido. Procuro ser regular na publicación, mais non sempre o consigo.

Ver o blog

Contacto

Podes atoparme no mail ou nas redes sociais.

ola@saulrivas.gal
LinkedIn
Instagram
Substack