Blog

Categoría “Caderno”

O meu día a día. As anotacións sobre o que me pasa pola cabeza, o que me interesa neste momento ou simplemente o que sucede sen máis.

Moita bichería

Caderno, Tarefa

O sábado 21, coa primavera, chegou tamén o recoñecemento a ‘Bechos’, un dos traballos más divertidos que tiven nos últimos anos.

Teño que recoñecer que sinto certo placer —cada vez menos— culposo escribindo isto unha semana despois de que acontecera. A adrenalina de contar as noticias canto antes, facelo con atención ao detalle, coas mellores fotos e vídeos, sendo inxenioso… fai tempo que se volvera unha sorte de parálise e loita. Pesaba máis non repetirse ca desenvolver o estilo propio para un cliente ou crear unha conversa arredor dun feito. A itenerancia dos últimos anos dos Mestre Mateo, os premios do noso audiovisual, levounos este ano por vez primeira a Lugo. Volver alí sempre me resulta raro, mais tamén bonito. Nas…
Ler máis

Ola, Mundo!

Caderno

Hai mil formas de comezar un caderno. Explicar de onde vén o feito de incoporalo na nova web é unha delas.

A última vez que me enfrontei á primeira entrada dun blog aínda estaba na universidade; Amazon era unha libraría online, Instagram non existía, Twitter era unha ferramenta aínda de nicho recoñecible polo paxariño azul no canto dun X e Facebook apenas tiña impacto nas nosas vidas. Ou menos do que agora, entendendo isto como queiras entendelo. Coincidiu tamén despois da ponte de decembro. Aquela primeira entrada estaba marcada como 10-12-06 e foi o comezo de pouco máis de tres anos de actualizacións frecuentes, de coñecer moita xente nas redes que se tecían —chegamos a facer festas de blogueiros das que…
Ler máis